ಭರವಸೆಯ ಭಾವ : The hope , the force that keeps us going forward in life !!! My two cents on the Hope which one should always have no matter what the circumstances would be !!!

                                ಭರವಸೆಯ ಭಾವ  !                    

ಭಾವನೆಗಳ ಬೆನ್ನೇರಿ ಬಂತು

ಭಾವನ ತರಂಗ ।

ಅಲೆ ಅಲೆಯಲಿ ಹರಡುತಿದೆ 

ಅದರ ಅಂತರಂಗ ।।

ಆಗಸದತ್ತ ನೋಡಿದೆನು

ಆಸೆಯ ಹೊತ್ತು ।

ಎಲ್ಲಿರುವದು ನನ್ನ ಭಾವ 

ಈ ಹೊತ್ತು ।।

ಕಂಡಿದ್ದೊಂದು ಕರಿಮೋಡ

ಮನಸ  ತುಂಬಾ ಕರಿಛಾಯೆ ।

ಇದೆಲ್ಲ ಯಾವ ಮಾಯೆ

ಅರಿಯದಾದೆ ನಾ ।।

ಚಿಗುರಿತೊಂದು ಬಯಕೆಯೊಂದು

ಈ ಪುಟ್ಟ ಮನಸಲಿ ।

ಮಳೆ ಬರುವುದೀಗ 

ಮಳೆ ಬರುವುದು ।।

ಎಂದು ಕಾಣುವೆನಾ 

ತಿಳಿ ನೀಲಿ ಆಕಾಶವನು ।

ಸಹನೆಯಿಂದ ಒಲುಮೆಯಿಂದ 

ನಾ ಕಾಯುತಿರುವೆನು ।।

ನಿನಾದ !!!

ನೀರವತೆಯಲಿ  ನಿನಾದ
ಕೇಳಿ ಬಂದಿದೆ ಈಗ
ಸಂತೋಷದ ಸವಿ ನುಡಿಯೋ
ಮೌನ ರಾಗದ  ಆದಿಯೋ

ನಾಚಿ ನೀರಾಯಿತು ಸಪ್ತಸ್ವರ
ಆ ನಿನಾದದ ದನಿ ಕೇಳಿ
ಹಾರುವ ಹಕ್ಕಿ ಯಾಯಿತು ಮನಸ್ಸು
ದಾಟಿತು ಮನದ ಬೇಲಿ

ದನಿಯನರಸಿ ಆಲೈಸಿದೆ
ನೀರವತೆಯ ಹಿಂಬಾಲಿಸಿದೆ
ಕಂಡೆನಲ್ಲಿ ಬೆಳ್ಳಿಚುಕ್ಕಿ

ನಗುವಿನಲೆಯಲ್ಲಿ  ಮುಂದಾದೆ
ಪುಟ್ಟ ಚಂದ್ರಮನಿದ್ದ ನನ್ನೆದುರಿಗೆ
ಹಸುಗೂಸಾ ಆ ನಗು
ನಾನಾದೆ ಆಗ ಮಗು