ಪ್ರೀತಿ ! What is Love ? Everyone has their own definition of Love. It has different meanings and lot of feelings :-) .But loving unconditionally is a gift from god.

ಪ್ರೀತಿ !

                                                       ಎದುರುಬದಿರಿನಲ್ಲಿ ಕುಳಿತು ನೀಡುವ ಹೂಮುತ್ತೆ 
                                                       ಜೊತೆಯಲ್ಲಿ ಮಾರು ದೂರ ಕೈ ಬೆಸುಗೆಯ ನಡಿಗೆಯೆ 
ಒಬ್ಬರನ್ನೊಬ್ಬರು ಕಣ್ಣಲ್ಲಿ ಕಣ್ಣಿಟ್ಟು ನೋಡುವ ನೋಟವೇ
ನೀನಿಲ್ಲದೆ ನಾನಿಲ್ಲ ಎನ್ನುವ ಮಾತೆ

ಪ್ರೀತಿಯೆಂದರೇನು ?
ಕೇಳಿಕೊಂಡೆನು ನಾನು
ನನ್ನ ಮನದ ಮಾತಿಗೆ ಕಾದೆನು
ಒಗಟನೊಂದು ಬಿಡಿಸುವಂತಿದೆ ಈ ಮನವು

ಪ್ರೀತಿಗೆ ನೂರಾರು ಭಾವಗಳು
ನೂರಾರು ಅರ್ಥಗಳು
ಹುಡುಕುತ್ತಾ ಹೋದಾಗ ಒಂದು ಭಾವ
ಸುಮ್ಮನಿದ್ದರೆ ಮಗದೊಂದು  ಭಾವ

                                          ಜಾಣ ಮನಸು ಹೀಗೆ ಹೇಳಿತು
                                              ಹುಡುಕಲು ಹೋಗಬೇಡ ಪ್ರೀತಿಯ ಮೂಲ
                                      ಪ್ರೀತಿಸುತ್ತಾ ಹೋಗು ಅದೇ ಒಳಿತು
                       ಕಲಿಸುತ್ತದೆ ಎಲ್ಲವ ಕಾಲ!

ಭರವಸೆಯ ಭಾವ : The hope , the force that keeps us going forward in life !!! My two cents on the Hope which one should always have no matter what the circumstances would be !!!

                                ಭರವಸೆಯ ಭಾವ  !                    

ಭಾವನೆಗಳ ಬೆನ್ನೇರಿ ಬಂತು

ಭಾವನ ತರಂಗ ।

ಅಲೆ ಅಲೆಯಲಿ ಹರಡುತಿದೆ 

ಅದರ ಅಂತರಂಗ ।।

ಆಗಸದತ್ತ ನೋಡಿದೆನು

ಆಸೆಯ ಹೊತ್ತು ।

ಎಲ್ಲಿರುವದು ನನ್ನ ಭಾವ 

ಈ ಹೊತ್ತು ।।

ಕಂಡಿದ್ದೊಂದು ಕರಿಮೋಡ

ಮನಸ  ತುಂಬಾ ಕರಿಛಾಯೆ ।

ಇದೆಲ್ಲ ಯಾವ ಮಾಯೆ

ಅರಿಯದಾದೆ ನಾ ।।

ಚಿಗುರಿತೊಂದು ಬಯಕೆಯೊಂದು

ಈ ಪುಟ್ಟ ಮನಸಲಿ ।

ಮಳೆ ಬರುವುದೀಗ 

ಮಳೆ ಬರುವುದು ।।

ಎಂದು ಕಾಣುವೆನಾ 

ತಿಳಿ ನೀಲಿ ಆಕಾಶವನು ।

ಸಹನೆಯಿಂದ ಒಲುಮೆಯಿಂದ 

ನಾ ಕಾಯುತಿರುವೆನು ।।

ನಿನಾದ !!!

ನೀರವತೆಯಲಿ  ನಿನಾದ
ಕೇಳಿ ಬಂದಿದೆ ಈಗ
ಸಂತೋಷದ ಸವಿ ನುಡಿಯೋ
ಮೌನ ರಾಗದ  ಆದಿಯೋ

ನಾಚಿ ನೀರಾಯಿತು ಸಪ್ತಸ್ವರ
ಆ ನಿನಾದದ ದನಿ ಕೇಳಿ
ಹಾರುವ ಹಕ್ಕಿ ಯಾಯಿತು ಮನಸ್ಸು
ದಾಟಿತು ಮನದ ಬೇಲಿ

ದನಿಯನರಸಿ ಆಲೈಸಿದೆ
ನೀರವತೆಯ ಹಿಂಬಾಲಿಸಿದೆ
ಕಂಡೆನಲ್ಲಿ ಬೆಳ್ಳಿಚುಕ್ಕಿ

ನಗುವಿನಲೆಯಲ್ಲಿ  ಮುಂದಾದೆ
ಪುಟ್ಟ ಚಂದ್ರಮನಿದ್ದ ನನ್ನೆದುರಿಗೆ
ಹಸುಗೂಸಾ ಆ ನಗು
ನಾನಾದೆ ಆಗ ಮಗು